කර්මාණ්ත පරිපාළනේ කට්ටියත් මේකට හිටු කියලා ලෑස්ති වෙනවලු. සමහරු දන්නේවත් නැති ජොබ් වලට ඇප්ලයි කරලලු. කොහොම කොහොම හරි කට්ටිය ඉන්ටර්වීව් වලට උපරිම කැපවීමකින් සහභාගී උනාලු.
මේ අතර පරිපාළනයේ ඉන්න ටිකක් දුර පලාතකින් ආපු අපේ සහෝදරයෙකු අලුත් ෂර්ට් එකක්, ටයි එකක් එහෙම අරන් මහත්තයා වගේ ආවලු පොළ පැත්තේ.. කොම්පියුටර් ජොබ් කීපයකට ගිහින් පොඩ්ඩක් චාටර් උන නිසා මේ සහෝදරයා හිතුවලු බැංකුවක් පැත්තේවත් ගියානම් හොඳයි කියලා. හිතලා HSBC එක පැත්තට කිට්ටු කලාලු... එතන හිටපු ඉන්ටර්වීව් කරන කෙනා අපේ සහොදරයට වාඩිවෙන්න කියලා ප්‍රශ්ණ කිරීම පටන් ගත්තාලු.
බැංකුවේ අයියා: අපිට කියන්න ඔබේ අනාගත් අපේක්ෂාව මොකද්ද කියලා?
අපේ මල්ලි: මට කවදාහරි ඕනි බැංකු ක්ෂේස්ත්‍රයේ ඉහලටම යන්න... (මිහිහා IT කොම්පැනි කීපයකටත් ගියා)
බැංකුවේ අයියා: අහ්හ් අනේ බොරුනම් කියන්න එපා... මේ CV එකේනම් තියෙන්නේ මැනේජ්මන්ට් සහ තොරතුරු තාක්ෂනය එකතු කරලා මොකද්දෝ කරන්න යනවා කියලා...
අපේ මල්ලි කොහොමහරි ගොත ගහලා උත්තරයක් දුන්නලු... වැඩේ යන්නතම් ෂේප් කරගත්තලු...
බැංකුවේ අයියා: ඔයගේ විවේකය ගතවෙන්නේ කොහොමද?
අපේ මල්ලි: මම ගොඩාක් වෙලාවට ෆිල්ම් බලනවා...
බැංකුවේ අයියා: අහ්හ්හ් එහෙනම් කියන්න බලන්න ළඟදි බලපු ෆිල්ම් එකක් ?
අපේ මල්ලි: (තමන්ටම: මම බලන්නේ ඉතින් මොනවද කියලා මෙතන කිව්වොත් මගේ සායම යනවා) මම ළඟදි බැලුවේ ශ්රෙක් (Shrek) 4
බැංකුවේ අයියා: ලස්සන ෆිල්ම් එක නේද ?
අපේ මල්ලි: හ්ම්ම් ඔව් ලස්සනයි
බැංකුවේ අයියා: මමත් ශ්රෙක් (Shrek) ෆැන් කෙනෙක්... කියන්න බලන්න කථාව ටිකක්...
අපේ මල්ලි: (තමාටම: මළා, දැන් මොකද කරන්නේ ??? මම මේක බලල නැහැනේ. බලමු පචයක් කියලා) ම්ම්ම් ඒකේ වෙන්නේ ශ්රෙක්ට ගොඩාක් ප්‍රශ්ණ ඇතිවෙනවා. කථා රචකයා ෆිල්ම් එක අවසානයේ මේ ඔක්කොම ප්‍රශ්ණ ලස්සනට විසඳනවා...
දැන් අපේ මල්ලිගේ කන් දෙකෙන් මිහිරි වේදනවක් දැනෙනවා...
බැංකුවේ අයියා: එහෙමද ? කියන්නකො බලන්න ප්‍රශ්ණ එකක් දෙකක්....
අපේ මල්ලි කියන්න ගත්තා තමන්ගේ ශ්රෙක් (Shrek) 3 කථාවේ මතකයන්... ඊට අමතරව ශ්රෙක් (Shrek) 4 ට්‍රේලරයේ තිබ්බ කැලි එකතු කරලා මිනිහා අලුතෙන් ශ්රෙක් (Shrek) 4 කථාව ගොඩ නගන්න ෆුල් ට්‍රයි එකක් දුන්නා... හිතන්න පුලුවන්නේ මලයාට උන ඉතුරු ටික...........
දන්නේ නැත්තම් ඉතින් කට පියන් ඉන්න එක හොඳයි කියලා තමා මේ මල්ලි උනත් දැන් කියන්නේ....
No comments:
Post a Comment