ඊ-මේල් එහෙම චෙක් කරලා වැඩ පටන් ගන්න කියලා තේ එකක් බොන්න කැන්ටිමට ගියා. ඉතින් සුපුරුදු පරිදි විද්‍යාපීඨ කැන්ටිම වහලා, ඒ නිසා තේ බොන අදහස අතහැරලා ආපහු එනකොට ජංගම දුරකථනය (Phone ;) ) නාද වෙන්න ගත්තා.. යලුවෙක් හදිස්සියෙන් වගේ කිව්වා කවුදෝ මගේ laptop එක අරං යනවා කියලා. ඒත් ලැබ් එක ඇතුලේ හොරු නැති නිසා මම වැඩි කළබලයක් නැතුව ලැබ් එකට කිට්ටු කළා.
අපේ නපුංසක පරිඝණක ජාල කළමණාකරු (Network Admin) මගේ ලැප්ටොප් එකයි, ඇඩැප්ටර් එකයි ඔක්කොම අරං අපේ උඩ මළුව දිහාට නගිනවා. ඉතින් මට යකා නැග්ගා. මමත් මිනිහා පස්සෙන් උඩට ගිහින් බැලුවම ලැප්ටොප් එක බිම දාලා. අපේ අම්මා උගුර ලේ රහ වෙනකන් ළමයින්ට උගන්නලා ලැබෙන පඩියෙන් මට අරන් දුන්න ලැප්ටොප් එක එහෙම තියෙනවා දැක්කම මට හිතුන දේ කියන්න ඕනි නැහැනේ. මම ඒක අරන් මේසයක් උඩින් තිබ්බා. නපුංසක කියනවා ලැප්ටොප් එක දෙන්නේ නැහැලු. මිනිහා එක්ක තර්ක කිරීමෙන් වෙන්නේ එක්කො මම මිනීමරුවෙක් වෙන එක බව දැන්ගෙන මම එතනින් ආවා.
පස්සේ අපේ කථිකාචාර්‍යකෙනෙක් මැදිහත් වෙලා මගේ ලැප්ටොප් එක ආපහු මට ලැබුනත් මම පුදුම කළකිරීමකට පත්වුනා. අපි විශ්ව විද්‍යාල සිසුන්ද ??? මොන්ටිසෝරි ළමයිද?? අපි කට පියාගෙන හිටියම මේ වගේ නපුංසක ඩයල් තවත් ෆෝම් වෙනවා.
මේවා අපේ වැරදි.. මේවා ඉවර කරන්න විදියක් නැද්ද ???
